UM.. 首先，呢個見證關係到既人都係我地既需要代禱令神軟化佢地個心既人
佢地都係我公公婆婆個邊D人
呢個唔算係我既見證
其實係我媽媽講俾我聽
我覺得呢個見證唔講個心唔舒服
發生係佢地身上既事比起我俾鬼嚇左幾次
我個次簡直「小兒科」
但係我都希望大家唔好發揚光大．．．
費是啦．．．
我婆婆原來俾鬼害過好多次
好似係我媽媽十歲定係八歲個一年
婆婆俾鬼上左身 隻鬼鐘意就玩下野
唔鐘意就唔玩
咁樣一上就上左十五年身
公公搵左好多人醫婆婆
都唔得
連請鬼走既問米婆都話婆婆冇得救
但係問米婆就同婆婆佢地講話 係星期日既十一點個一刻
你要去一間教會度敲個鐘
婆婆之後就照做 就係敲完個時
隻鬼就走左
係我媽媽十歲個時
我婆婆冇啦啦係船邊俾鬼整左落個海度
我媽媽前一秒聽到一下聲 後一秒就見到婆婆去左「無雷公」咁遠
我媽媽羅住支竹想救婆婆
但係想救就差個少少
因為隻鬼係咁整走佢 諗住整死我婆婆
係呢個時侯 我媽媽就鬧神
鬧點解唔救我婆婆 [個時年少無知同埋未信，只係番左幾次教會，所以咁做] 婆婆終於救得番
仲有幾次
婆婆俾鬼整斷大脾骨幾次
有次聽媽媽講係係我一兩歲個時 有我都唔知啦
幾大先得嫁 奇怪既係
我媽媽一係醫院同婆婆一齊
，婆婆就咩痛都冇 媽媽一唔係度 婆婆就痛到嗌救命
真係見到神既大能囉
我媽媽講話 公公唔阻止佢地番教會
但係唔鐘意佢地信囉 係囉~
我媽媽話救左婆婆四次 每一次都係因為魔鬼撒但搞我婆婆 我婆婆差D冇命 每一次都係因為神所以撒但整唔死婆婆 我好想佢地信呢 D公公婆婆都好錫我．．． 佢地全家都好錫我．．． 如果叫我望住佢地落火湖 我一定痛不欲生 嗯 呢個就係我媽媽既見證 當我回想番我自己俾鬼嚇既時侯 我都好驚 呀 係呀 仲有一次 都係今年 有一晚 爸爸媽媽係度傾計 個時都兩點幾 佢地冇啦啦整醒左我 當我諗住訓番個時 我聽到耳邊有一把喊聲 我好肯定係一個女仔既喊聲 佢係我耳喊得勁無陰公 我聽到就驚啦喎 跟住個心係咁狂講 「神呀！求你幫助」 但係D喊聲一路冇停 跟住我就發覺唔掂 個心就祈禱啦 每祈完一次我爸爸就入房開燈一次 把喊聲就停一陣，爸爸走左又開始番 如是者 足足有三次 最後一次我祈禱話 「神呀！求你俾我熟睡。奉耶穌名求，AMEN！」 跟住冇耐就訓著左 之後我第二日同爸爸講番 佢唔信我囉 =3=" 我既說話咁唔可信嗎？
我既超級代禱事項︰公公婆婆全家信主，呢個世界個個都信主~
